སྲིད་སྐྱོང་རྗེ་སློབ་བཟང་སངས་རྒྱས་ལ་ཕྱག་འཚལ་ལོ།    ཕྱག་འཚལ་བསྟོད་ན་དབང་ཆ་སྤྲོད་མ། །  ཁྲིམས་ལུགས་གླེང་ན་ལུག་དང་འདྲ་མ། །  རྫུན་ཁྲམ་འུར་གསུམ་ངག་གི་ཞལ་གྱིས། །ཧམ་བཤད་བྱེ་བ་ལས་ནི་བྱུང་མ།  ཕྱག་འཚལ་མི་མང་འདུས་བ་ཀུན་ཏུ། །རྫུན་གཏམ་བརྒྱ་ཕྲག་བསྒྲིགས་ནས་བཤད་མ། །རང་ཁ་རང་གསོ་ཞལ་ནས་གསུངས་ཏེ།

རོགས་དངུལ་ས་ཡའི་རྩིས་ཞིབ་བཀག་མ། །རང་དོན་ཕྱོགས་བསྐྱོད་ཞབས་ཀྱིས་མནན་ཏེ། །གཞུང་དངུལ་གཏོར་ལ་དགའ་བ་རྒྱས་མ། །མི་མང་སྟོང་ཕྲག་འཛོམས་པ་རྣམས་ཀྱིས། །རབ་ཏུ་ཞི་བའི་ངོ་ལོག་རྒྱག་མ། །ཕྱོགས་ལྷུང་ཨབ་ཕྲུག་མང་པོས་བསྐོར་ནས། །ཨ་རིའི་གནམ་ཐང་འུར་གྱིས་ཁེངས་མ། །སྐལ་རྡོའི་རྩིས་ཉོག་སྤུངས་བའི་དོན་ཁང་། །གཡོ་ཅན་སེང་གེའི་སྤྱོད་ཡུལ་ཉིད་མ། །ཕྱག་འཚལ་དེ་བཞིན་བྱ་བའི་དངོས་ཚེ། །འདོད་པ་མ་ལུས་ཐོབ་པར་དགའ་མ། །འཇིག་རྟེན་ཟླུམ་པོ་ཞབས་ཀྱིས་བཅག་སྟེ། །འདོད་དང་ཕྱོགས་དང་དཔུང་ཁག་བསྒྲིགས་མ། །འབྱུང་བོ་ཤུགས་ལྡན་ཚོགས་མི་རྣམས་དང་། །རྒྱ་ཁྱིའི་ཚོགས་ཀྱིས་མདུན་ནས་བསྟོད་མ། །ཆིག་སྒྲིལ་ནུས་པ་རྩ་ནས་གཏོར་མ། །རྒྱལ་ཞེན་དཔའ་བོ་རྣམ་པར་འཇོམས་མ། །གཡས་བསྐུམས་གཡོན་བརྐྱངས་གསལ་བཤད་སྣ་ཚོགས། །གཡུ་ཐོག་རྒན་པོས་རྡོ་ཆག་བསྒྲིགས་མ། །ཤར་གླིང་དགའ་མའི་སྙིང་གཏམ་ཤོར་མ། །མ་ལུས་རྫུན་གྱི་འཁོར་ལོས་བརྒྱན་པའི། །རང་གི་ཕྱོགས་ལ་རྐུ་སྟེགས་སྟེར་མ། །དགྲ་དགའ་གཉེན་སྡུག་ལས་ཀྱི་དྭངས་མ། །ཕྱག་འཚལ་རབ་ཏུ་དགའ་བ་བརྗིད་པའི། །སྤེན་ཚེའི་གསལ་བཤད་ཕྲེང་བ་སྤེལ་མ། །ཡ་རབས་ཚིག་དང་ཁུངས་ལྡན་ཡིག་ཆས། །སྣོད་ལྡན་འཇིག་རྟེན་དབང་དུ་མཛད་མ། །གསལ་བཤད་བསྐལ་བའི་ཐ་མའི་མེ་ལྟར། །འབར་བའི་ཕྲེང་བའི་དབུས་ན་གནས་མ། །སྐྱག་རྫུན་རི་རབ་རྣམ་པར་འབིགས་བྱེད། །ཆོལ་ཁ་གསུམ་ན་གཡོ་བ་ཉིད་མ། །ཤིན་ཏུ་དྲག་པོས་དོགས་པ་སེལ་མ། །ཁྱི་སེང་དཔོན་ལ་དད་གུས་ཆེན་པོས། །ཕྱག་འཚལ་བ་ནི་ལྟས་ངན་ཉེར་གཅིག

མཆན་སྤེལ་ས།

མཆན་འབྲི་བ་ལ་ངེས་པར་དུ་དངོས་མིང་དང་གློག་འཕྲིན་ཁ་བྱང་དགོས། གལ་སྲིད་དངོས་མིང་མིན་ཚེ་མཆན་བསུབ་ངེས་ཡིན་ལ་རྗེས་ཕྱོགས་ཀྱང་གློག་འཕྲིན་ཁ་བྱང་དེའི་སྒང་ནས་མཆན་འབྲི་མི་ཐུབ་བཟོ་ངེས། མཆན་གྱི་ནང་དོན་གྱི་ཆ་ནས་གང་འདོད་བྲིས་ཆོག འོན་ཀྱང་མི་གཅིག་གིས་མིང་འདྲ་མིན་གྱི་ཐོག་ནས་མཆན་འདྲ་མིན་སྣ་ཚོགས་འབྲི་མི་ཆོག